Korigi Curacao
E siman aki mi a disidí di skibi mi kolumna den mi lenga materno. Dikon? Gewon pasó mi tabatin gana. Ademas mi ta haña ‘leuk’ di ta e promé blogger di MeetCuracao.com ku ta tribi di dal un stap grandi asina. Un página di internèt tokante di Kòrsou, mester di sikiera 1 artíkulo na Papiamentu, òf no?

Siman pasá, un di mi mihó amiganan, Daniele, a hasi aña. El a puntra mi si mi tin gana i tempu, pa yud’é ku e preparashonnan pa su fiesta. Su mayornan, tanta- i tionan lo a bin serka dje riba e djasabra ei i Daniele ker a drecha ‘Tapas’ pa nan. Ami a mira e oportunidat pa eksperensiá un hasimentu di aña 100% a la makamba. ‘No offence!’

For di e djabièrnè promé, Daniele a bin buska mi pa nos bai kumpra kos. Despues di 2 ora di ‘hardcore shopping’, nos a bai kas pa nos kuminsá drecha e diferente pasapalonan.

Tabatin lo siguiente tabatin riba e menú:

Webu yená – pika bal – torta di makaroni – bruscetta ku ham – shampiòn yená – hala di galiña – sòpi di aspèrzje – pizza chikitu – bolita di melon ku ham – ‘appelflappen’ – ‘sauzijnenbroodjes’ – ‘cupcakes’ – ‘cheesecake’.

Curacao food kumindaFuera di e sòpi di aspèrzje, nos a traha tur kos ‘from scratch’ manera nan ta bisa. Te awe, mi no sa dikon mi a bin ku e plan genial aki. Mi Dios!, masha lidia nos a pasa. E ‘cupcakes’….m’a kima nan! Nan tabata pretu pretu. Daniele a bisa mi pa saka un potrèt di nan i pone riba facebook. Masha tantu komentario m’a haña riba e potrèt ei. Bou di harimentu, ami ku Daniele a disidí ku ta mihó nos traha ‘cupacakes’ nobo, pasó nos no por a duna hende e kos pretunan ei pa kome.

Djasabra a yega, tur kos tabata kla butá riba mesa. 3 or en punto tur hende a yega. Na Kòrsou, niun hende no ke habri fiesta. Akinan tur hende tabata ‘precies op tijd’ i nan a yega pareu! Mesora Daniele a pone kòfi, traha te i parti bolo. E ‘cheesecake’ tabata hopi dushi mes, pero ami a kustumbrá ku ta ora fiesta kaba, ta kanta i parti bolo. Na Hulanda e bolo, òf ‘gebak’, ta promé kos ku ta kome!

A parti e pasapalonan, i e hende nan a kome ku smak. Dor ku mi a yuda Danielle traha hopi di e pasapalonan, nan tabatin sabor un tiki diferente di loke e hendenan a kustumbrá na dje. Pero esei no a stòp nan di lembe nan dede. Kada bia ku nan a purba algu otro, nan a puntra mi ta kon mi a trah’é. Mi a haña hopi great pa wak kon Danielle su famia a saboriá e kuminda.

Cupcakes Curacao
Riba e karchi di invitashon mi amiga a skibi ku e fiesta tabata di 15.00or pa 20.00or. Ora 19:59 or a bati Danielle su mama, Barbare, a lanta para i el a bisa e otro hendenan: “zullen we maar eens gaan rijden, mensen?” mi no ta eksagerá! Tur hende a lanta para, bisti nan yas, brasa Daniele i sali bai, rumbo pa kas.

Mi amiga tabata masha kontentu kon kosnan a kana riba dia di su fiesta. Ami a sinti mi satisfecho ku nos a logra di drecha tur e pasapalonan i kos di boka dushi nan ei, sin nos kòrta nos dede!

E parti mas ‘leuk’ di e dia ei tabata te na final. Barbara a duna ami tambe un sunchi i un brasa fuerte. El a pone su man nan riba mi skouder, wak mi den mi kara, i ku un smail di orea pa orea el a bis ami: “masha danki voor alles”.

 
Dit artikel is een gastblog, geschreven door Indra de Baerdemaker.

8 BERICHTEN

  1. OMG… ta hopi stranjo lesa den nos mes idioma…. wow Indra… bo ta prufia pero e la keda hopi bon…. It is really odd to read in my own language…. im surprised at how slow i read…. but Indra I know it wasn’t easy but good job…..

  2. Indra, once again i am pleasantly surprised!
    hoe kom je erop om in het Papiamentu te gaan schrijven?? ik zou het niet gedurfd hebben…. en om eerlijk te zijn, het is ook een leuk verhaal!
    ga zo door meid!
    en webmaster: u got a talented writer on ur hands…

    M

  3. @ donata: ja raar he? it took me about a week o finish the article! but i did it…yay!!
    @ ma: bo sa ku bo por bin tuma….altijd!
    @ marcus: blush! bedankt dat je me volgt!

  4. Wauww!! Hopi bon Indra! Hopi stranjo pa lesa den Papiamentu asinaki, ta manera ta un buki di skol di Papiamentu mi ta lesando! 🙂 Hopi Pret!

  5. Indra, nos ta papia Papiamento, pero pa mi e ta hopi mas difisel pa scibi. Mi no a sinja scibi papiamento i aserca mi tin education di un mama arubiano………whaw, esei ta obligami paga extra tino. Mi ta gewoon weg un sancocho. Papiamento, papiamentu, hulandes, ingles i spanjo. Maar ja, mi ta hanja bo articulo hopi bon. Mi a enjoy ora mi tawata lese.

  6. hey indra,
    ma gusta hopi, pa lesa den papiamentu atrobe!! ta basta tempu pasa ku ma lesa algu of tende algu den papiamentu.. ora ma kab’i lesa bo articulo, mi tambe ta tin un smile “di orea pa orea”. danki pa bo esfuerzo.. (mi no sa kiko e ta na papiamentu, ma bus’ke riba internet na españo. :))

LAAT EEN BERICHT ACHTER